€11,00
Galton kasuan, Lew Archer detektibeak Anthony Galton aurkitu behar du, hogei urte lehenago etxetik alde egin eta desagertutako gaztea. Orain Galtonen amak, heriotza hurbil baitu, semearekin baketu eta bere ondarea utzi nahi dio. Archer detektibeak susmo txarra hartzen du, berehala konturatzen baita misterioaren pieza guztiak azkarregi hasten direla lotzen elkarrekin.
Ross MacDonaldentzat nobela hau mugarri bat izan zen, bai bere nobelagintzan, bai Archer protagonista duen sailean. Hammett eta Chandler maisuak abiapuntu harturik, haien protagonista Sam Spade eta Philip Marlowe baino detektibe hurbilagoa jarriko digu aurrean MacDonaldek. Idealista, bai, baina errealismoan oinarritutako idealismo batez hornitua, eta sistematik “kanporatutako” batek bezala ibili nahiago duena. Oinak lurrean izango ditu, eta horregatik bereizten da behin eta berriz han-hemenka aurkituko dituen idealista ameslariengandik.
Itzultzailea: Javi Cillero.
Galton kasuko pertsonaiak nobela beltzetako pertsonaiak eite batekoak bilakatzen dituzten eta hain ohikoak diren konbentzionalismoez jantzirik badatozkigu ere, MacDonald ez da gelditzen pertsonaien azaleko itxuretan, pertsonaien barnealdera jotzen baitu, eta saiatzen da irakurleak itxuren gibelean ezkutatzen diren grina, sentimendu eta pentsamenduetan murgilarazten.
Javi Cillero (Bilbo, 1961). Kazetaritzari ikasketak burutu ondoren, Renon itzulpengintza doktore-ikasketak egin zituen. Ondoren, Genevan Nazio Batuen Erakundearentzat itzultzaile moduan hasi zen. Misteriozko hainbat nobela itzuli ditu, baina baita Mark Twain, Charles Dickens edo Roald Dahlen klasikoak ere.
| Orrialde kopurua | 342 |
|---|---|
| Neurria | 10,5 x 17 zentimetro |
| ISBN | 978-84-87484-71-1 |
| Argitaratze data | 2006/10/01 |
