Bi gazte unibertsitarioren amodiozko istorio batean (Robbie Turner eta Cecilia Tallis) halabeharrezko oker bat gertatzen da. Robbiek desenkusazko gutun bat eman nahi zion Cecilia Tallisi, baina okerreko eskutitza –lizunkeriaz betetako zirriborroa– ipintzen du okerreko pertsonaren eskuetan: Briony Tallis, Ceciliaren ahizpa gaztea. Hamahiru urte besterik ez ditu, baina Robbiez maitemindua dago.

Gero, gauean, Lola lehengusina bortxatu egiten du norbaitek, eta ezin du identifikatu edo ez du identifikatu nahi bortxaketaren egilea, eta, haren ordez, Brionyk Robbie salatuko du, eta galbideranzko maldabehera ekarriko die Cecilia eta Robbieri. Bere jokabidearen ondorioez jabeturik, handik lau urtera, egindako hoben horren ordaina eman nahian, erizain boluntario gisa ariko da Briony Tallis II. Mundu Gerrako lehen urteetan. Ospitale horretara ekarriko dituzte, besteak beste, Dunkerketik erretiratzen ari diren soldadu ingelesak. Horietako bat, noski, Robbie Turner bera izan daiteke. Izan ere, bortxaketagatik bizpahiru urte espetxean eman ondoren, gerrara joateko baldintzan askatu baitute.

Itzultzailea: Xabier Olarra.